Испания футболы айналасындағы шулы оқиғалар жалғасуда. La Liga президенті Хавер Тебас Lionel Messiдің 2023 жылы "Barselona"-ға оралуына лига тарапынан рұқсат берілгені туралы хабарларды қатаң жоққа шығарды. Бұл мәлімдеме клубтың бұрынғы бас бапкері Хави Эрнандес пен президент Жоан Лапорта арасындағы ашық текетірес аясында айтылды. Мұндай goal.com хабарлайды.
Хави өз сұхбаттарында Messiдің оралуына барлық жағдай жасалғанын және тек клуб басшылығы бұған кедергі келтіргенін атап өткен еді. Алайда Тебас "Estudio Estadio" бағдарламасында бұл сөздердің шындыққа жанаспайтынын, лиганың ешқандай қаржылық жеңілдік немесе рұқсат бермегенін мәлімдеді.
Жағдай одан сайын ушыға түсті, өйткені Лапорта Хавидің айыптауларын саяси ойын деп атады. Президент өз шешімдерін қорғай отырып, Хави кезіндегі нәтижелерді сынға алды және жаңа бапкер Ханси Фликпен команда одан да табысты болатынына сенім білдірді. Лапортаның айтуынша, Messi трансферінің жүзеге аспауына басты себеп қаржылық қиындықтар мен ойыншының қысымнан қорқуы болған.
Бұл жанжал "Barselona" ішіндегі терең келіспеушіліктерді бетке шығарды. Хави клуб басшылығын өзін алдады деп айыптаса, Лапорта барлық қиын шешімдер клуб мүддесі үшін қабылданғанын алға тартады. Соңында Messi "Inter Mayami" сапына ауысып кетті, бірақ оның "Barselona"-ға оралуына қатысты даулар әлі де жанкүйерлер мен баспасөз назарында қалуда.
