ПСЖ өз алаңында Ливерпульді жеңді

УЕФА Чемпиондар лигасының тоқсандық финал алғашқы матчында Париждің ПСЖ командасы өз алаңында Англияның Ливерпуль клубын қабылдады. Матч үй иелерінің толық үстемдігімен өтіп, 2:0 есебімен сенімді жеңіспен аяқталды. Ойынның 11-ші минутында Дезире Ду есепті ашса, 65-ші минутта Хича Кварацхелия париждіктердің екінші голын соғып, жеңісті нығайтты.

Статистика ПСЖкомандасының толық үстемдігін көрсетеді: париждіктер допқа 74% иелік етіп, қарсылас қақпасына 17 соққы жасады (оның 7-і дәл келді). Ливерпуль болса, бүкіл ойын бойы қарсылас қақпасына бірде-бір дәл соққы соға алмады. 733 пас беріп, 93% дәлдікпен ойнаған Луис Энрике шәкірттері жауап ойыны алдында үлкен артықшылыққа ие болды.