Еуропалық клубтық футболдағы ең беделді турнирлердің бірі — УЕФА Чемпиондар лигасында жартылай финалға шыққан екі команданың аты белгілі болды. Олар — ПСЖ және «Атлетико Мадрид».
Париждік клуб ширек финалда «Ливерпуль» командасын екі матчта да бірдей есеппен — 2:0 — жеңіп, келесі кезеңге сенімді түрде өтті. Олар алаңда тұрақты ойын көрсетіп, қарсыласқа мүмкіндік қалдырмады. Енді француз клубы жартылай финалда «Реал Мадрид» — «Бавария Мюнхен» жұбының жеңімпазымен кездеседі.
Екінші жартылай финалист ретінде «матрасшылар» деп танылған «Атлетико Мадрид» командасы шықты. Диего Симеоне жаттықтыратын ұжым «Барселонаны» 2:0 есебімен жеңіп, 1:2 есебімен жеңілгенімен, екі ойынның қорытындысы бойынша жартылай финалға жолдама алды.
Енді Мадрид клубы келесі кезеңде «Арсенал» немесе «Спортинг» командаларының бірімен кездеседі. Бұл жартылай финал кезеңінің одан да тартысты әрі күтпеген нәтижелерге толы болатынын білдіреді.Осылайша, турнир финалға жақындаған сайын одан әрі қызықты сипат алып келеді және әрбір матч жанкүйерлер үшін нағыз футбол шоуына айналуда.
