«Барселона» клубының аңызы Мигель Надаль каталониялықтарға «Ман Сити» шабуылшысы Эрлинг Холандты сатып алу жоспарларын жүзеге асыру қиын болатынын ескертті. Клуб президенті Жоан Лапорта норвегиялық жұлдызды жаңартылған «Камп Ноу» стадионының басты символы ретінде көргісі келсе де, трансфердің қаржылық жағы үлкен мәселе тудырып отыр. Бұл туралы Goal.com хабалайды.
Надальдің пікірінше, Холанд қазіргі уақытта әлемдік футболдағы ең мықты шабуылшы болып саналады, бірақ оның трансферлік құны мен жалақысы клубтың бүгінгі мүмкіндіктерінен әлдеқайда жоғары. Ханс-Дитер Флик бастаған команданың ойыны жақсарғанына қарамастан, 25 жастағы футболшы үшін талап етілетін рекордтық соманы табу «Барселона» үшін орындалмайтын міндетке айналуы мүмкін.
Сондай-ақ клуб басшылығы «Ливерпуль» шабуылшысы Мохамед Салахтың кандидатурасын да қарастыруда. Алайда Надаль мысырлық футболшының жасы 33-34-ке келгенін ескеріп, мұндай тәуекелден аулақ болу керек екенін атап өтті. Оның айтуынша, Салах кез келген команданы күшейте алады, бірақ каталониялықтар қазіргі уақытта жас әрі болашағы зор жобаларға назар аударуы тиіс.
Жазғы трансферлік терезе жақындаған сайын, Лапорта мен клуб басшылығы Холанд мәселесінде «ғажайыптан» үміт үзбей отыр. Егер клубтың коммерциялық кірісі шұғыл артпаса немесе негізгі ойыншылар сатылмаса, норвегиялық шабуылшының Англияда қалу ықтималдығы өте жоғары болып қала береді.
“Zamin”-ді Telegram-нан оқыңыз! 
