«Реал Мадрид» Испания чемпионатының 31-туры аясында сырт алаңда «Жирона» командасымен 1:1 есебімен тең түсті. Бұл нәтиже мадридтіктердің чемпиондық бәйгедегі мүмкіндіктеріне айтарлықтай соққы болды.
Бұл туралы Goal.com хабарлайды.
Кездесудің 51-минутында Федерико Вальверде алыс қашықтықтан жойқын соққы бағыттап, есеп ашудың сәтін тапты. Алайда арада он минут өткенде, айдын иелерінің жартылай қорғаушысы Лемар таразы басын теңестірді.
Ойын барысында Килиан Мбаппе мен Винисиус бірнеше қауіпті сәттерді тудырғанымен, «Жирона» қақпашысы Газзанига шеберлік танытып, өз командасын голдардан құтқарып қалды.
Матчтың соңғы минуттарында Мбаппе қарсыластың айып алаңында құлады, бірақ төреші VAR жүйесімен кеңесе келе, пенальти белгілеуге негіз таппады.
Қазіргі уақытта «Реал Мадрид» 70 ұпаймен турнир кестесінде екінші орында келеді. Көшбасшы «Барселонамен» арадағы айырмашылық алты ұпайды құрайды, бірақ каталониялықтардың қорында тағы бір ойын бар.
“Zamin”-ді Telegram-нан оқыңыз!
