«Реал Мадрид» футболшылары Испания чемпионаты аясындағы «Сельтаға» қарсы ойын алдында ауыр жарақат алған командаласы Родриго Гоеске ынтымақтастық білдірді. Футболшылар алаңға бразилиялық шабуылшыны қолдайтын арнайы футболкалармен шықты.
Бұл туралы Goal.com хабарлайды.
Клубтың медициналық департаменті 25 жастағы шабуылшының оң аяғындағы тізе алдыңғы айқас тәрізді байламдары мен сыртқы менискісінің жыртылғанын растады. Бұл диагноз футболшы үшін ағымдағы маусымның әрі клуб, әрі ұлттық құрама деңгейінде аяқталғанын білдіреді.
Родриго 2 наурыз күні «Хетафеге» қарсы матчта қосалқы құрамнан алаңға шыққаннан кейін 11 минут өткенде жарақат алған болатын. Қалпына келтіру процесі жеті айдан тоғыз айға дейін созылады деп күтілуде, бұл оның әлем чемпионатын да өткізіп алуына себеп болады.
«Өмірімдегі ең нашар күндердің бірі, бұл жарақаттан әрдайым қорыққанмын. Маусымның қалған бөлігінде және әлем чемпионатында өнер көрсете алмайтыным өте ауыр, бірақ мен мықты болуым керек», — деп жазды футболшы әлеуметтік желілерде.
Шабуылшының қатардан шығуы жаттықтырушы Альваро Арбелоа үшін күрделі тактикалық мәселе тудыруда. Килиан Мбаппе де әзірге көмектесе алмай жатқан тұста, «Реал Мадридтің» шабуыл шебі маусымның шешуші кезеңінде үлкен сынаққа тап болып отыр.
“Zamin”-ді Telegram-нан оқыңыз!
