Францияның "Марсель" клубы шабуылшы Мейсон Гринвудтың трансферлік құнын жариялады. Туриндік "Ювентус" клубы 24 жастағы футболшыны өз қатарына қосу үшін әрекеттерін белсендірді.
Бұл туралы Goal.com хабарлайды.
Италиялық гранд шабуыл шебін жаңарту мақсатында Гринвудты негізгі нысана ретінде таңдады. Француз клубы футболшы үшін кемінде 43 миллион еуро талап етіп отыр.
Бұл баға шабуылшының ағымдағы маусымдағы 42 ойында соққан 25 голы мен жасаған 10 нәтижелі пасына негізделген.
"Марсельдің" Гринвудты сату туралы шешімі команданың қаржылық жағдайына байланысты болып отыр. Егер клуб Чемпиондар лигасына жолдама ала алмаса, бюджеттегі тапшылықты жабу үшін жұлдызды футболшысын сатуға мәжбүр болады.
"Ювентус" трансферлік шығындарды азайту үшін келісімге басқа футболшыларды қосуды жоспарлап отыр. Атап айтқанда, Эдон Жегрова нұсқасы қарастырылуда.
Екі клуб арасындағы қарым-қатынас өткен жылы Тимоти Веа трансферінен кейін айтарлықтай жақсарған.
Бұл процесті "Манчестер Юнайтед" те мұқият қадағалап отыр. Ағылшын клубы 2024 жылғы шілдеде Гринвудты 30 миллион фунтқа сатқан кезде, келісімшартқа келесі трансферден үлес алу туралы тармақты енгізген болатын.
Егер трансфер жүзеге асса, манчестерліктердің қазынасына қомақты қаражат түседі.
“Zamin”-ді Telegram-нан оқыңыз!
