Каталония гранды «Барселона» жазғы трансферлік терезе алдында маңызды жоспарлармен жұмыс істеуде. Клуб басшылығы жаңа ойыншыларды тарту үшін қаржылық мүмкіндіктерін кеңейту мақсатында кейбір жетекші ойыншылармен қоштасуға дайын.
Sport.es басылымының мәліметінше, «көк-қызыл түстілер» қорғаныс шебіндегі екі маңызды футболшы — Алекс Бальде мен Жюль Кундеге қатысты ұсыныстарды қарастыруға қарсы емес.
Дереккөз атап өткендей, клуб құрамды түбегейлі өзгертпей, бірнеше ірі трансфер жүргізуді жоспарлап отыр. Ал бұл қаржылық тепе-теңдікті сақтау үшін сату арқылы табыс табуды талап етеді.
Әсіресе, Бальдеге еуропалық грандтар тарапынан үлкен қызығушылық білдірілуде. Атап айтқанда, «Манчестер Юнайтед» оны өз қатарында көргісі келеді.
«Барселонаның» бағалауынша, жас қорғаушының трансфер құны 50 миллион еуродан асуы мүмкін.
Кунде мәселесі сәл басқашарақ. Франциялық футболшы клубта өзін жақсы сезінуде және кету ниеті жоқ.
Алайда «Барселона» егер тартымды ұсыныс түссе, оны да қарастыруға дайын екенін жасырмайды.
Қысқаша айтқанда, «Барселона» ірі трансферлер үшін қаржылық платформа жасамақшы. Мәселе мынада: кім қалады және кім құрбандыққа айналады?
Бұл жаз клуб үшін шешуші болуы мүмкін.
