Испания футбол әлемінде күтпеген жаңалық тарады: Барселонаның бұрынғы президенті Хосеп Бартомеу Винисиус Жуниор мансабының басында каталондықтар сапына өтуге өте жақын болғанын мәлімдеді. Бартомеу ESPN Deportes басылымына берген сұхбатында тараптар арасында алдын ала келісімге қол жеткізілгенін растады. Бұл туралы Goal.com хабарлайды .
"Біз Винисиус Жуниормен келіссөздерді едәуір ілгерілеткен едік. Оның отбасымен және агенттерімен сөйлестік, тіпті алдын ала келісім де болған. Алайда, Real Madrid бізден гөрі жақсырақ ұсыныс жасап, ойыншыны өз сапына қосып алды", — дейді Бартомеу.
Real Madrid 2017 жылдың мамыр айында бразилиялық талант үшін 45 миллион еуро төлегенін жариялаған еді. Винисиус 18 жасқа толғаннан кейін, яғни 2018 жылдың шілде айында ресми түрде Мадрид клубының ойыншысы атанды. Өткен уақыт ішінде ол әлемдегі ең мықты шабуылшылардың біріне айналды.
Винисиус Жуниор Мадрид клубы сапында 372 ойынға қатысып, 127 гол соқты және 100 нәтижелі пас берді. Қазіргі таңда Real Madrid ішкі мәселелер мен команда ішіндегі келіспеушіліктер туралы қауесеттермен күресуде, алайда Антонио Рюдигерге қатысты кейбір ақпараттар өз растауын таппады.
“Zamin”-ді Telegram-нан оқыңыз!
