«Барселона» жұлдызы Ламин Ямаль жарақатына байланысты «Реал Мадридке» қарсы өткен Эль-Класико матчын алаң жиегінен тамашалауға мәжбүр болды. Кездесу барысында DAZN телеарнасында сарапшы ретінде қатысқан әлем чемпионы Сами Хедира жас футболшының киім үлгісіне қатысты қалжыңдады. Бұл туралы Goal.com хабарлайды .
Ферран Торрес «Барселонаның» есебін 2:0-ге жеткізген сәтте камералар трибунада отырған Ламин Ямальға бағытталды. Қызғылт түсті худи мен ерекше сөмкесімен көзге түскен футболшыны көрген Сами Хедира: «Ламин Ямаль бұдан ләззат алуда. Оның киім үлгісі дәл Леннарт Карлдікіне ұқсайды», - деп мысқылдады.
Естеріңізге сала кетейік, «Баварияның» жас футболшысы Леннарт Карл да сәуір айында Чемпиондар лигасы аясындағы «Реал Мадридке» қарсы ойында осыған ұқсас қызғылт түсті киіммен көрініп, клубтың құрметті президенті Ули Хёнесс тарапынан сынға ұшыраған болатын. Хедира дәл осы жағдайға меңзеді.
Ламин Ямаль сәуір айында алған бұлшықет жарақатына байланысты маусымның қалған бөлігін өткізіп алады. Соған қарамастан, «Барселона» ЛаЛига чемпиондығына қарай сенімді қадам басуда. Дарынды футболшы ағымдағы маусымда барлық турнирлерде 45 ойынға қатысып, 24 гол мен 18 нәтижелі пас авторы атанды.
“Zamin”-ді Telegram-нан оқыңыз!
