Bayern жартылай қорғаушысы Джамал Мусиала өз командаласы Майкл Олиседің командаға тез бейімделгенін және оның ойынында үлкен өсу байқалып жатқанын ерекше атап өтті. Мусиала мен Олисе бұған дейін Chelsea академиясында бірге доп тепкен, ал қазір Bayern сапында қайта қауышты. Бұл туралы Goal.com хабарлайды .
Мусиаланың айтуынша, Олисе Crystal Palace сапынан келгеннен бері өз шеберлігін жан-жақты арттырған. Ол жас вингердің алаңдағы сенімділігі мен креативтілігі команда үшін маңызды рөл атқаратынын атап өтті. Джамалдың пікірінше, егер Олисе осы қарқынмен дами берсе, болашақта одан да жарқын футболшыға айналады.
Сондай-ақ, Мусиала бас бапкер Венсан Компанидің адами қасиеттеріне де жоғары баға берді. Оның сөзінше, Компани футболшылармен ашық сөйлесе алатын, олардың жағдайын, әсіресе жарақатқа байланысты қиындықтарды жақсы түсінетін маман.
Қазіргі таңда Bayern маусымды сәтті аяқтауға және DFB-Pokal финалында жеңіске жетуге ұмтылуда. Мусиала болса, клубтағы ойындарынан бөлек, Юлиан Нагельсманн басқаратын Германия құрамасымен 2026 жылғы Әлем чемпионатында жоғары нәтижелерге қол жеткізуді мақсат етіп отыр.
“Zamin”-ді Telegram-нан оқыңыз!
