Chelsea басшылығы күтпеген шешім қабылдап, Xabi Alonso-ны команданың бас бапкері етіп тағайындады. 44 жастағы маман 1-шілдеден бастап төрт жылдық келісімшарт негізінде жұмысқа кіріседі. Ең бастысы, Alonso жай ғана бас бапкер емес, толық өкілеттігі бар менеджер мәртебесінде қызмет атқарады, бұл оған трансферлер мен құрамды жасақтауда үлкен еркіндік береді. Бұл туралы Goal.com хабарлайды .
Лондондықтар соңғы жылдары жас таланттарға арқа сүйеп, тұрақты нәтижеге қол жеткізе алмай жүрген еді. Англия кубогының финалында Manchester City командасынан ұшыраған жеңіліс және Премьер-лигадағы ортаңқол ойын клубтағы дағдарысты тереңдете түсті. Alonso-ның келуі жанкүйерлер мен команда үшін жаңа үміт отын жақты.
BlueCo иелері үшін бұл трансфер үлкен жетістік саналады. Команда Чемпиондар лигасының жолдамасынан қағылғанына қарамастан, Alonso секілді жоғары деңгейлі бапкердің Stamford Bridge стадионына ауысуы клубтың беделін көрсетеді. Бұл шешім Todd Boehly мен Behdad Eghbali үшін жанкүйерлер алдындағы абыройды қалпына келтіру жолындағы маңызды қадам болды.
Екінші жағынан, бұл хабар Liverpool үшін ауыр соққы болды. Arne Slot-тың қол астында қиын маусымды өткеріп жатқан мерсисайдтықтар клуб аңызы болған Alonso-ны қолдан шығарып алғаны үшін сынға ұшырауда. Ендігі назар испаниялық маманның Chelsea құрамын қалай өзгертетініне аударылған.
“Zamin”-ді Telegram-нан оқыңыз!
