Machdyne компаниясы F-RAM (ферроэлектрлік жады) технологиясына негізделген жаңа FERRIT USB-жинақтағышын таныстырды. Дәстүрлі NAND-флеш жадылардан айырмашылығы, бұл құрылғы экстремалды жағдайларда жұмыс істеуге және деректерді 200 жылға дейін сақтауға арналған. Бұл туралы Ixbt.com хабарлайды .
FERRIT жадының басты артықшылығы – оның радиацияға жоғары төзімділігі және қайта жазу ресурсының іс жүзінде шексіздігі. Сол себепті құрылғы ғарыш өнеркәсібі, әскери жүйелер және маңызды техникалық құжаттарды ұзақ мерзімді мұрағаттау үшін таптырмас шешім болып табылады.
Құрылғы модульдік жүйеде әзірленген және Raspberry Pi RP2040 микроконтроллерімен әрі FERRIT-CY контроллерімен жабдықталған. USB-C порты арқылы қосылатын бұл жады ешқандай қосымша драйверлерсіз қарапайым сыртқы диск ретінде жұмыс істейді. Максималды конфигурацияда оның сыйымдылығы 256 МБ-қа дейін жетеді.
Жобаның ашық бастапқы кодты екені де назар аударарлық: барлық сызбалар, прошивка және құжаттама GitHub платформасында жарияланған. Алайда технологияның күрделілігіне байланысты құрылғы арзан болмайды — 256 МБ сыйымдылығы бар толық жиынтық шамамен 6400 долларға бағалануда.
“Zamin”-ді Telegram-нан оқыңыз!
