Greenpeace robotynan rekord: 2315 metr tereńdikten narazylyq aksiyasy

Arktikadagy zertteý missiyasy kezinde Greenpeace ekologiyalyq uıymy sýasty robotty paıdalanyp, tarihtegi eń tereń núktede ótkizilgen narazylyq aksiyasyn júzege asyrdy. ROV Holly apparaty Orta Atlantika josasyndagy Loki's Castle gidrotermaldy aımaǵynda, 2315 metr tereńdikten "Listen to the science!" jazýy bar bannerdi jaıdy. Bul týraly Ixbt.com habarlaıdy .

Ekspedisiya qatysýshylarynyń aıtýynsha, robot kúrdeli geologiyalyq aımaqta — muhıt qabyǵynyń jaryqtarynan 320 °C-qa deıin qyzǵan mineraldy aǵyndar shyǵatyn "qara tútinshiler" mańynda jumys istedi. Bul qurylymdar kún sáýlesi jetpeıtin, biraq ómir bar biregeı ekojúıelerdi quraıdy jáne olar ejelgi Jerdiń analogtary sanalady.

Ekspedisiya ǵylymı jetekshisi Sandra Schöttner bul aksiyany tereń teńiz ekojúıeleriniń názíktigi týraly ǵylymı derekterge nazár aıdarýǵa umtylys dep atady. Onyń aıtýynsha, memleketter muhıttyń 30 paıyzyn qorǵaý maqsatynda málimdeme jasaǵanymen, is júzindegi sharalar, sonyń ishinde ónerkásiptik ıgerýdi shekteý jetkilikti deńgeıde júıeli túrde iske asyrylmaı jatyr.

Ekologtar tereń teńizde paıdaly qazbalardy óndirýdiń keńeıýi hali zerttelmegen túrlerdiń joıylyp ketýine jáne qaıta qalpyna kelmeıtin ekologiyalyq apatqa alyp kelýi múmkindiginen eskertýde. Loki's Castle aımaǵy ekstremaldy jaǵdaılarǵa beıimdelgen mikroorganizmder mekeni bolyp tabylady jáne ol ómir evolyusiyasyn túsiný úshin kilt sanalady.

Greenpeace tereń teńizde qazý jumystaryna moratorıı engizýge jáne muhıt qoryqtary jelisin qurýǵa shaqyrýda. Uıymnyń aıtýynsha, tek júıeli qorǵaý sharalary ǵana klımattyń ózgerýi men ónerkásiptik qysym jaǵdaıynda teńiz ekojúıeleriniń turaqtylyǵyn saqtap qala alady.