Өзбекстанда экологияны тазарту және табиғи ортаны қалпына келтіру жолында маңызды қадам жасалды. Қалдықтарды басқару және циркулярлы экономиканы дамыту агенттігінің мәліметінше, ел бойынша барлығы 47 тұрмыстық қалдық полигоны жабылды. Нәтижесінде 90 гектардан астам жер табиғатқа қайтарылды.
Ақпаратқа сәйкес, 2024-2025 жылдар аралығында Қарақалпақстан Республикасы мен Әндіжан, Бұхара, Қашқадария, Наманган, Самарқант, Ташкент, Ферғана және Хорезм облыстарында экологиялық қалпына келтіру жұмыстары жүргізілген. Полигондар рекультивацияланып, олардың үсті топырақ қабаттарымен жабылған.
2024 жылы атқарылған жұмыстар:
Қарақалпақстан - 1 полигон (11 га),
Әндіжан - 6 (14,9 га),
Бұхара - 1 (0,5 га),
Қашқадария - 5 (19,15 га),
Наманган - 3 (5,38 га),
Самарқант - 1 (2,4 га),
Ташкент - 3 (9,58 га),
Ферғана - 6 (17,11 га),
Хорезм - 1 дана (1 га).
2025 жылы республика бойынша тағы 18 қоқыс полигонында рекультивация жұмыстары аяқталды. Бұл аумақтар жалпы 81,68 гектарды құрады.
Осылайша, еліміздегі 185 қоқыс полигонының 47-сінде қалпына келтіру жұмыстары жүргізілді. Қалған аумақтарда да кезең-кезеңімен экологиялық шаралар жоспарланған.
Сонымен қатар, 42 қоқыс жинау алаңы толығымен жабылды. Бұл тағы 90 гектарға жуық жерді табиғи экожүйеге қайтаруға мүмкіндік берді. Шенеуніктердің айтуынша, мұндай жұмыстар қоршаған ортаны қорғауға ғана емес, халықтың салауатты өмір сүруіне де қызмет етеді.
Бұл бастама Өзбекстан Президентінің 2024 жылғы 4 январьдағы No5 жарлығы негізінде жүзеге асырылуда. Бұл құжат қалдықтарды қайта өңдеуге, табиғи жерлерді қалпына келтіруге және елдегі экологиялық қауіпсіздікті қамтамасыз етуге бағытталған.
Экологтардың пікірінше, бұл өзгерістер табиғатты сақтап қана қоймай, жаңа жасыл аймақтарды құруға да түрткі болады. Табиғатты тазарту - болашақ ұрпақ үшін салауатты орта құрудың ең сенімді жолы екені тағы да дәлелденді.
“Zamin”-ді Telegram-нан оқыңыз!
