Түнде Ташкентте фастфуд ғимараты өртеніп кетті

Ташкент қалалық Төтенше жағдайлар басқармасының баспасөз қызметінің хабарлауынша, ағымдағы жылдың 4 қарашасында шамамен сағат 01:30-да елордадағы тез тамақтану ресторанында өрт шыққаны туралы ақпарат түскен. Оқиға Чиланзар ауданындағы Катартол көшесінде орын алған.

8 минут өткен соң, өрт-құтқару экипаждары оқиға орнына жетіп, өртті сөндіруге кіріскен. Өрт сағат 01:45-те оқшауланған және 01:48-де толықтай сөндірілген.

Өрт салдарынан ешкім зардап шеккен жоқ. Оқиғаның себептері мен келген материалдық шығын көлемін анықтау бойынша тергеу жұмыстары жүргізілуде.

Алғашқы мәліметтер бойынша, өртке электр сымдарының қысқа тұйықталуы себеп болған.