Uzbekistan Airways рейстері Уфаға қона алмады

Ташкенттен Уфа бағыты бойынша жүзеге асырылған Uzbekistan Airways HY9657/9658 рейстері қосалқы әуежай ретінде Қазанға бағытталды. Бұған Уфа әуежайында енгізілген уақытша шектеулер себеп болды.

Әуе компаниясының мәліметінше, ұшулар кестесі бойынша жаңартылған ақпарат кейінірек ұсынылады. Бұл жағдай Ресей Қорғаныс министрлігінің 4 қараша күні түнде Башқұртстанда екі украин дроны атып түсірілгені туралы мәлімдемесімен бір уақытта орын алды.

Одан кейін, Уфа әуежайы шектеулер алынғаннан кейін әдеттегі режимде жұмысын бастады.