Uch milliondan ortiq aholi Venesuelani tark etdi

  • 10-11-2018, 08:27
  • 556
  • Dunyo
  • Uch milliondan ortiq aholi Venesuelani tark etdi
    BMT ma’lumotiga ko‘ra, qo‘shni davlatlar Vensuela aholisiga "ochiq eshiklar" siyosatini olib bormoqda. Xalqaro mutaxassislar hamjamiyati esa ularga yordam berishga chaqirmoqda.

    "Lotin Amerikasi va Karib dengizi davlatlari bir xil darajada mehmondo‘stlik va birdamlik ko‘rsatishni davom ettirishlari kerak”, – deydi BMTning Qochoqlar bo‘yicha oliy komissari va XMHning Venesueladagi migrantlar masalasi bo‘yicha maxsus vakili Eduardo Shteyn.

    Asosiy hissa Kolumbiya hududiga to‘g‘ri kelmoqda. Ayni vaqtda bir milliondan ziyod Venesuela aholisi u yerdan boshpana topdi. Yana 500 ming kishi Peruga, 220 ming kishi Ekvadorga, 130 mingi esa Argentina, 100 mingdan ortig‘i Chili hamda 85 ming nafari Braziliyaga ko‘chib borgan.

    BMT Venesueladan qochoqlarning o‘sib borayotgan oqimiga mamlakatda oziq-ovqat va dori-darmon etishmasligi, yuqori inflyatsiya, shuningdek, siyosiy keskinlik hamda zo‘ravonlik sabab bo‘layotganini ta’kidladi.

    BMT vakillari 22 noyabr kuni Ekvador poytaxti Kito shahrida aynan shu masalaga yechim izlash maqsadida yig‘iladi.

    » » Uch milliondan ortiq aholi Venesuelani tark etdi