Malayziyada yangi qirol saylandi

  • 24 yanvar 2019, 23:30
  • 1 882
  • Dunyo
  • Malayziyada yangi qirol saylandi
    Malayziya konstitutsiyasi talabiga ko‘ra, besh yilda bir marta yangi qirol saylanadi. Buning uchun mamlakatdagi to‘qqizta shtatda 9 nafar merosxo‘r sultonlar orasidan bir kishi qirol sifatida tanlab olinadi.

    Bu gal Malayziya tarixida o‘n oltinchi marta Paxang shtati merosxo‘r sultoni Abdulla Riyayyutdin Al-Mustafo Billoh yangi qirol sifatida tanlab olindi.

    Qirolni saylash marosimi mamlakat poytaxti Kuala-Lumpurda hukmdorlar kengashi majlisi doirasida tashkil etildi. Ushbu marosimga Trengannu shtati rahbari, sulton Mizan Zaynal Obidin raislik qildi.

    Malayziyaning o‘n beshinchi qiroli hisoblangan Kelantan shtati hukmdori Muxammad V shu yil 6 yanvarida daf’atan qirollik taxtidan voz kechdi.

    Eslatib o‘tamiz, Moxammad V o‘tgan yil oxirida rossiyalik Oksana Voyevodinaga uylangan.
    Yangi qirol esa 59 yoshda. Sportchi. Sportga oid ko‘plab dasturlar homiysi. Malayziya futbol federatsiyasi prezidenti. FIFA boshqaruvi a’zosi.

    » » Malayziyada yangi qirol saylandi