23:30 / 24.01.2019
3 960

Малайзияда янги қирол сайланди

Малайзияда янги қирол сайланди
Малайзия конституцияси талабига кўра, беш йилда бир марта янги қирол сайланади. Бунинг учун мамлакатдаги тўққизта штатда 9 нафар меросхўр султонлар орасидан бир киши қирол сифатида танлаб олинади.

Бу гал Малайзия тарихида ўн олтинчи марта Паханг штати меросхўр султони Абдулла Рияйютдин Аль-Мустафо Биллоҳ янги қирол сифатида танлаб олинди.

Қиролни сайлаш маросими мамлакат пойтахти Куала-Лумпурда ҳукмдорлар кенгаши мажлиси доирасида ташкил этилди. Ушбу маросимга Тренганну штати раҳбари, султон Мизан Зайнал Обидин раислик қилди.

Малайзиянинг ўн бешинчи қироли ҳисобланган Келантан штати ҳукмдори Мухаммад V шу йил 6 январида дафъатан қироллик тахтидан воз кечди.

Эслатиб ўтамиз, Мохаммад V ўтган йил охирида россиялик Оксана Воеводинага уйланган.
Янги қирол эса 59 ёшда. Спортчи. Спортга оид кўплаб дастурлар ҳомийси. Малайзия футбол федерацияси президенти. ФИФА бошқаруви аъзоси.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Малайзияда янги қирол сайланди