Yevropa ittifoqi (YeI) Yevropa iqtisodiyotida AQSh dollari rolini pasaytirmoqchi va yevroning qadrini oshirishni rejalamoqda. Bu haqda Yevropa komissiyasining press-relizida keltiriladi.
"Yevro pul birligi – yosh, ammo istiqbolli valyuta. Uning global rolini rivojlantirish vaqti keldi. Yevro Yevrozonaning siyosiy, iqtisodiy va moliyaviy qudratini, xalqaro siyosiy va iqtisodiy tizimning qoidalariga asoslangan holda aks ettirishi lozim”, deydi yevro va ijtimoiy dialog komissari Valdis Dombrovskis.
YeI iqtisodiyotini dollardan xalos etish maqsadida, neft shartnomalari va tranzaksiyalarini amalga oshirishda yevrodan foydalanishni oshirish, past komissiyada elektron to‘lov tizimlarini yaratish, Bank ittifoqi va Kapital bozori ittifoqi bilan hamkorlikda ko‘proq likvidlashgan bozorni yaratish, yevroda ifodalangan tashqi qarzlar ulushini oshirish kabi rejalarni amalga oshirishni mo‘ljallamoqda.
Yevrokomissiya ma’lumotlariga ko‘ra, hozir Yevropa kompaniyalari asosiy strategik ahamiyatga ega bozorlarda AQSh dollarida savdo qilishmoqda. Bu esa AQSh dollari kursining sezilarli darajada o‘zgarishi bilan kompaniyalar risklarining oshishiga sabab bo‘lmoqda.
Manbada yozilishicha, Yevrodan keng doirada foydalanish Yevropa kompaniyalarida valyuta risklarining kamayishiga hamda Yevrohududda energetika mahsulotlari narxi arzonlashuviga olib keladi.
Oldinroq, Rossiya iqtisodiyotida AQSh dollari rolini pasaytirish maqsadida reja ishlab chiqqandi. Unga ko‘ra, Rossiya Xitoy va Yevropa ittifoqi bilan savdo hisob-kitoblarida yuanga va yevroga bosqichma-bosqich o‘tishni rejalashtirmoqda. Yevroosiyo iqtisodiy ittifoqi davlatlari bilan esa savdoda rublga o‘tishni mo‘ljallamoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi