Kecha Toshkentda ro‘y bergan navbatdagi yirik yong‘in tafsilotlari ma’lum

  • 07 mart 2017, 09:51
  • 5 302
  • Jamiyat
  • Kecha Toshkentda ro‘y bergan navbatdagi yirik yong‘in tafsilotlari ma’lum

    Kecha Toshkent shahrida navbatdagi yirik yong‘in ro‘y berdi. Hodisa Forobiy va Chig‘atoy ko‘chalari kesishmasi yaqinida joylashgan tibbiy-sog‘lomlashtirish majmuasida ro‘y bergan. Bu haqda Kun.uz xabar berdi.

    Xabarga ko‘ra, qayta ta’mirda bo‘lgan binoning tom qismidagi 20 kv.m. maydon yongan.

    Yong‘inni o‘chirish uchun 4ta YoO‘Elari va 2ta avtonarvon jalb qilingan. Yong‘in soat 17.01da qurshab olinib, soat 17.07da o‘chirilgan.

    Ayni damda yong‘in sababi aniqlanmoqda.

    Xabarga ko‘ra, yong‘in sodir bo‘lgan joyga Toshkent shahar IIB YoXB rahbariyati, YoO‘Sh boshlig‘i, navbatchi guruhi hamda tuman IIB YoXB rahbar va xodimlari chiqishgan.

    Eslatib o‘tamiz, biroq avvalroq Toshkent shahrida bir necha yirik yong‘in ro‘y bergandi. Xususan, 23 fevral kuni Toshkent shahar, Chilonzor tumani, S-mavzesi, Cho‘pon Ota ko‘chasi 28A-uyda joylashgan ma’muriy binoda yong‘in sodir bo‘lgan bo‘lsa, 27 fevral kunining ikkinchi yarmida Toshkent shahridagi «Wyndham Tashkent» mehmonxonasi yonidagi biznes markazida (eski nomi - «Leto bar») yong‘in ro‘y bergan.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Kecha Toshkentda ro‘y bergan navbatdagi yirik yong‘in tafsilotlari ma’lum