O‘zbekiston Respublikasi Prezidenti Shavkat Mirziyoyev Toshkent shahar Mirzo Ulug‘bek tumaniga tashrif buyurishi haqida xabar bergan edik.
Shavkat Mirziyoyev bugun, 29 iyun kuni Mirzo Ulug‘bek tumanidagi “Krantas Group” zavodiga tashrif buyurib, qurilish uchun maxsus texnika ishlab chiqaruvchi korxonalar faoliyati bilan tanishdi. Bu haqda O‘zA xabar berdi.
2008 yilda Toshkent tajriba eksperimental mexanika zavodi negizida tashkil etilgan “Krantas” va “Kranlar va maxsus texnika” korxonalarida 60 turdan ziyod maxsus texnika, jumladan, avtokranlar, kran manipulyatorlari, yonilg‘i va kislota tashuvchi avtosisternalar, kommunal texnika, samosvallar, avtoustaxonalar, avtogidroko‘targichlar ishlab chiqarilmoqda. Import o‘rnini bosuvchi, eksportbop ushbu texnika vositalari mamlakatimiz iqtisodiyot tarmoqlariga etkazib berilmoqda.
Bugungi kunda korxonalarda 645 ishchi-xizmatchi mehnat qilmoqda. Mahsulot hajmini oshirish, yangi uskunalar sotib olish va ishlab chiqarish sexlarini barpo etish hisobiga yana 150 ish o‘rni yaratish mo‘ljallanmoqda.
Korxonalarda 2017-2018 yillarda yuk ko‘tarish quvvati 100 tonna bo‘lgan avtokranlar va ko‘p qavatli uy-joylar qurilishiga mo‘ljallangan 8 tonnalik minorali kranlar ishlab chiqarish loyihalashtirilgan. Mamlakatimizda tadbirkorlik sohasiga qaratilayotgan alohida e’tibordan samarali foydalanib, joriy yilda korxonaning eksport hajmini 5 million dollarga etkazish, Qozog‘iston, Tojikiston, Turkmaniston, Afg‘oniston kabi davlatlarga mahsulot eksport qilish rejalashtirilgan.
Prezident korxonada ishlab chiqarilayotgan maxsus texnika vositalari va ishlab chiqarish jarayonini ko‘zdan kechirdi. Bu kabi korxonalar mamlakat sanoati rivojlanishining asosiy omillaridan biri ekanini ta’kidladi.
Korxonada ishlab chiqarilayotgan maxsus texnika turlarini mahalliylashtirishni kengaytirish, kelgusi besh yilga mo‘ljallangan davlat dasturini qayta ko‘rib chiqib, maxsus texnika importini kamaytirish, shu kabi korxonalarda mahalliylashtirilgan maxsus texnikalar xaridini ko‘paytirish yuzasidan mutasaddi rahbarlarga tegishli topshiriqlar berildi.
Sohaga ixtisoslashgan oliy ta’lim muassasalarida kran va maxsus texnikalar ishlab chiqarish bo‘yicha yiliga 20-25 mutaxassis tayyorlovchi fakultetlar ochish va yoshlarni o‘qitish zarurligi qayd etildi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
