“O‘zbekiston havo yo‘llari” Milliy aviakompaniyasining “Maxsus aviatsiya ishlari” aviakompaniyasi turoperatorlar, agentliklar va barcha xohlovchilarga O‘zbekistonning go‘zal go‘shalariga vertolyotda sayr qilish xizmatidan foydalanishni taklif qilgani haqida xabar bergandik.
“Zarafshon” nashri sayohat narxi bilan qiziqib, aviakompaniya bilan bog‘landi. “Maxsus aviatsiya ishlari” aviakompaniyasi xodimi Jamshid Abdullayevning aytishicha, sayr qilishning dastlabki bahosi soatiga 18 million 200 ming so‘m deb belgilangan. Bu – aviakompaniya taklif etayotgan narx.
Xo‘sh, Zarafshon tog‘ tizmalariga sayr qilish necha so‘mga tushadi?
Mutaxassisning ta’kidlashicha, parvozlar Toshkentdan amalga oshiriladi. Poytaxtdan Zarafshon tog‘ tizmalariga parvoz qilish va qaytish 5 soat davom etadi. Vertolyotga ko‘pi bilan 16 sayyoh olinishi mumkin. Sayohat 5 soat davom etishini hisobga olsak, demak sayrga chiqishni istagan guruh buning uchun 91 million so‘m to‘lashi lozim bo‘ladi.
Shuningdek, aviakompaniya aerodromdan foydalangani uchun 431 768 so‘m to‘lashiga to‘g‘ri keladi. Demak, guruh Toshkent va Zarafshondagi aerodromlar uchun jami yana 863 536 so‘m berishlari kerak bo‘ladi.
Hisob-kitobga ko‘ra, sayohat bahosi jami 91 million 863 ming 536 so‘mni tashkil etadi. Guruhda 1 kishidan 16 (ayrim vertolyotda 20) kishigacha bo‘lishi mumkin. Agar 16 kishi bir vaqtda sayohatga chiqqan taqdirda, bir kishi sayohat uchun jami bo‘lib 5 million 741 ming so‘m (ayni vaqtdagi kurs bo‘yicha 731 dollar) sarflashi kerak bo‘ladi.
Ammo bu markaz taklif qilayotgan dastlabki narxlar ekani aytiladi. Agar siz turfirma yoki sayyohlik agentliklari orqali sayr qilmoqchi bo‘lsangiz, ularning ham xizmat haqqini to‘lashingizga to‘g‘ri keladi. Narxlar mahalliy sayyohlar va xorijliklar uchun farq qilmaydi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
Germaniyada maktab o‘quvchilari ommaviy ravishda islom dinini qabul qilmoqda