Nizomiy nomidagi Toshkent davlat pedagogika universitetida Turkiyaning «Informascope» kompaniyasi bilan hamkorlikda «SMART universitet» loyihasi amalga oshiriladi. Bu haqda Oliy va o‘rta maxsus ta’lim vazirligi xabar berdi.
Oliy va o‘rta maxsus ta’lim vazirligi axborot xizmatining xabar berishicha, 26 noyabr kuni universitet rektori Shavkat Sharipov va «Informascope» kompaniyasi boshqaruv direktori Quvanch Chinar ishtirokida mazkur loyihani amalga oshirish bo‘yicha muzokaralar bo‘lib o‘tdi.
Toshkent davlat pedagogika universitetida zamonaviy talablar darajasida «SMART universitet» elementlarini joriy etish bo‘yicha bir qator amalga oshirilishi lozim bo‘lgan vazifalar belgilab olindi. Jumladan:
- universitetda mavjud turli xil axborot tizimlari, kompyuter dasturlarini o‘zaro integratsiya qilish;
- foydalanuvchilarni yagona identifikatsiya tizim orqali istalgan joydan universitet resurslaridan foydalanishlarini yo‘lga qo‘yish;
- bugungi kundagi qurilmalarga mos ilovalar yaratish evaziga mavjud tizimlardan foydalanish geografiyasini kengaytirish;
- talabalar bilimini nazorat qilishning avtomatlashgan tizimini joriy etish;
- bitiruv malakaviy ishlari, magistr PhD va DSc dissertatsiyalarini, «plagiat»ga tekshirish avtomatlashtirilgan tizimini shakllantirish;
- «SMART» texnologiyalardan foydalanish bo‘yicha professor-o‘qituvchilar va talabalar uchun «master-klasslar» tashkil qilish.
Muzokaralar yakunida «Informascope» kompaniyasi bilan «SMART universitet» elementlarini bosqichma-bosqich joriy etishga kirishildi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi