Joriy yilning 16 yanvaridan 17 yanvariga oʻtar kechasi soat 2:30 da 6 nafar shaxslardan iborat jinoiy guruh yuzlariga niqob taqib Toshkent shahri Mirzo Ulugʻbek tumanidagi xonadonlardan biriga bostirib kiradi. Ular qoʻllariga qoʻlqop va temir boʻlagi hamda yogʻochdan yasalgan tayoq bilan qurollanib olishgan boʻlgan. Bu haqda “Oʻzbekiston24” telekanalida lavha namoyish etildi.
Bosqinchilarning bu xatti-harakati xonadonda oʻrnatilgan kuzatuv kamerasiga tushib qolgan. Jinoiy guruh aʼzolarining 4 nafari devor oshib, hovliga kiradi va tashqarida qolgan 2 ta sherigiga darvozani ochib beradi. Bu paytda xonadon egalari uyda boʻlishmagan. Uyda boʻlgan qorovul va enaga esa bosqinchilarni sezishmagan.
Jinoiy guruh aʼzolari ushbu xonadondan koʻp miqdorda pullarni va boshqa moddiy boyliklarni olib ketmoqchi boʻlib turgan vaqtida uy egasi kelib qoladi.
Tashqariga chiqqan qorovul bosqinchilarni uy egasi bilan birga kelgan mehmon deb oʻylab ular bilan salomlashmoqchi boʻladi. Bosqinchilar esa unga turli tan jarohatlari yetkazib, qochishga tushishadi. Xonadon egasi ularning ortidan taʼqib qilib, bittasini tutadi va ichki ishlar xodimlariga topshiradi.
Hodisadan xabardor boʻlgan IIBB tezkor xodimlari ham zudlik bilan voqea joyiga yetib kelishgan. Olib borilgan tezkor harakatlar natijasida jinoiy guruhning boshqa aʼzolari ham oʻsha kunning oʻzida ushlangan.
Mazkur holat boʻyicha JKning 164-moddasi 4-qismi (bosqinchilik) boʻyicha jinoiy ish qoʻzgʻatilib, tergov harakatlari olib borilmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Rossiya dunyodagi birinchi vodorod yoqilg‘ili avtomobilni taqdim etdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi