2019 yilning 30 yanvar kuni O‘zbekiston Respublikasi tashqi ishlar vazirining birinchi o‘rinbosari Ilhom Ne’matov Belarus Respublikasi favqulodda va muxtor elchisi Leonid Marinich bilan uchrashdi.
TIV xabariga ko‘ra, suhbat chog‘ida o‘tgan yildagi ikki tomonlama munosabatlarning yakunlari hamda 2019 yilda ularni yanada rivojlantirishning istiqbolli yo‘nalishlari muhokama qilingan.
Ta’kidlanishicha, Belarus prezidenti Aleksandr Lukashenkoning 2018 yil 12-14 sentyabr kunlari O‘zbekistonga rasmiy tashrifi va uning prezident Shavkat Mirziyoyev bilan muzokaralari mamlakatlar o‘rtasidagi hamkorlikni aniq amaliy mazmun bilan boyitgan holda uni yangi darajaga olib chiqdi.
Tashrif doirasida qiymati 259,2 mln AQSh dollariga teng 94 ta ikki tomonlama savdo shartnomasi va 54 mln dollardan ortiq summadagi 19 ta investitsion hujjatlar imzolandi. O‘tgan yil davomida mamlakatlar o‘rtasidagi savdo aylanmasi 130%ga o‘sgan holda 419,9 mln dollarni tashkil qildi.
Shu nuqtai nazardan tomonlarning oliy darajada erishilgan kelishuvlarni va tashrif doirasida imzolangan bitimlarni so‘zsiz bajarish borasidagi takliflari ko‘rib chiqilgan.
Uchrashuvda O‘zbekiston rahbarining javob tashrifi to‘g‘risida fikr almashildi. Shuningdek, Hukumatlararo qo‘shma komissiyaning navbatdagi yig‘ilishi, tashqi ishlar vazirliklari o‘rtasidagi siyosiy maslahatlashuvlar, Ishbilarmonlik va mintaqalararo hamkorlik qo‘shma forumi, turistik forumni o‘tkazish jadvallari va kun tartiblari ko‘rib chiqildi, deyiladi xabarda.
Suhbat davomida tomonlarni qiziqtirgan boshqa dolzarb masalalar ham muhokama qilingan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi