Ijtimoiy tarmoqlar orqali yovvoyi ayiqni ushlab olib, rosa do‘pposlagan o‘nlab kishilar va ulardan birining ayiqni quchoqlab turgani, yovvoyi hayvonning esa bosh qismidan qon oqib, nochor ahvolda turgani aks etgan video tarqaldi va bu keng muhokamalarga sabab bo‘ldi.
Tarmoq foydalanuvchilarning ko‘pchiligi noroziligiga sabab bo‘lgan mazkur videotasvirda aks etgan vahshiylik insonni seskantirib, qalbini jumbushga keltiradi, deb yozmoqda O‘zA.
Aslida voqea qanday bo‘lgan edi? Mutasaddilarning bunga munosabati qanday?
O‘rmon xo‘jaligi qo‘mitasi raisi o‘rinbosari Abdushukur Hamzayev quyidagicha izoh bergan:
– Biz aniqlagan ma’lumotlarga ko‘ra, ushbu voqea Chiroqchi tumani Langar MFY Tutli qishlog‘ida bo‘lgan. Noma’lum sabablarga ko‘ra ayiq qishloqqa kelib qolgan. Shu hududning ichki ishlar noziri tuman ichki ishlar bo‘limidan og‘zaki ruxsat olgan hamda hududdagi ovchilardan biri bilan birga tadbir o‘tkazib, ayiqni otib tashlash orqali xavfni bartaraf qilgan.
Hozirda ayiq jasadi viloyat veterinariya bo‘limida tekshiruvda. Ular ayiq kasallanganmi, quturganmi, nima sababdan aholi maskaniga bu darajada yaqin kelganini o‘rganishmoqda. Voqea yuzasidan huquq-tartibot organlari ham surishtiruv o‘tkazmoqda.
Men masalaning yana bir tomoniga e’tibor qaratmoqchiman, qanday holat bo‘lishidan qat’i nazar mazkur qo‘ng‘ir ayiq O‘zbekiston «Qizil kitobi»ga kiritilgan. Ma’lumotlarga ko‘ra, mazkur tur yurtimiz hududida bor-yo‘g‘i 250 tadan 260 tagacha bor.
Vazirlar Mahkamasining 2014 yil 20 oktyabrdagi tegishli qaroriga binoan, noyob, yo‘q bo‘lib ketish xavfi bo‘lgan Tyan-Shan qo‘ng‘ir ayig‘iga O‘zbekiston Respublikasi fuqarosi yoki yuridik shaxsi tomonidan zarar yetkazilgan bo‘lsa 100 AQSh dollari, ya’ni 840 ming so‘m miqdoridagi jarima to‘lash belgilangan.
Shu harakatni xorij fuqarosi yoki yuridik shaxs sodir etsa, 168 million so‘m miqdoridagi jarimaga tortiladi. Men tegishli tashkilotlar vakillari, qonun chiqaruvchi organlardan mana shu banddagi jarima miqdorini yanada oshirish taklifini ilgari surishlarini so‘rab qolgan bo‘lardim. Bunday holatlar boshqa qaytarilmasligini oldini olishimiz zarur, degan mutaxassis. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
