Tanzila Norboyeva Senat raisi bo‘ldi

  • 21 iyun 2019, 11:46
  • 1 168
  • Jamiyat
  • Tanzila Norboyeva Senat raisi bo‘ldi
    Xotin-qizlar qo‘mitasining sobiq raisi Tanzila Kamalovna Norboyeva Senatning yangi raisi sifatida tasdiqlandi. Bu haqda Senatning yalpi majlisi vaqtida ma’lum qilindi.

    Kun.uz nashri xabar berishicha, prezident farmoni bilan Oliy Majlis Senati a’zosi etib tayinlangan Tanzila Norboyeva yig‘ilish davomida prezident tomonidan Senat raisi lavozimiga tavsiya qilingan, senatorlar uni rahbarlikka tasdiqlashgan.

    U bu lavozimda 20 iyun kuni Bosh prokurorlikka o‘tgan Nig‘matulla Yo‘ldoshev o‘rnini egalladi.

    Tanzila Norboyeva muqaddam Vazirlar Mahkamasida ishlagan, 2010-2016 yillarda O‘zbekiston Kasaba-uyushmalari federatsiyasiga raislik qilgan. U 2016 yilning dekabridan buyon O‘zbekiston bosh vaziri o‘rinbosari - Xotin-qizlar qo‘mitasi raisi sifatida ishlab kelayotgandi.

    Shu tariqa, O‘zbekiston tarixida ilk marta Senatga ayol kishi rais bo‘ldi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Tanzila Norboyeva Senat raisi bo‘ldi