Toshkentda jamoat transporti tizimi talab darajasida yoʻlga qoʻyilmagani uchun koʻpchilik ham qulay, ham narxi jihatdan maqbul boʻlgani bois taksi xizmatidan foydalanadi. Taksilar va xizmat koʻrsatuvchilar ham turlicha. Baʼzilarining ishini yoqlasangiz, ayrimlaridan norozi boʻlasiz. Taksilar faoliyati ijtimoiy tarmoqlarda koʻp muhokamalarga sabab boʻlishi shundan desak xato boʻlmas, deyiladi Toshkent shahar hokimligi matbuot xizmati xabarida.
Qayd etilishicha, bugungi kunda shahrimizda 27 kompaniya taksi xizmati bilan shugʻullanmoqda. Ularning ishidan mamnunlar qatori, bu xizmatni yanada yaxshilash boʻyicha qator takliflarga egalar ham koʻp.
Ayni kunlarda Oʻzbekiston Respublikasi Normativ-huquqiy hujjatlar loyihalari muhokamasi portalida Oʻzbekiston Respublikasi Vazirlar Mahkamasining “Oʻzbekiston Respublikasi hududida taksi xizmatini koʻrsatuvchi korxonalar faoliyatini tartibga solish toʻgʻrisida”gi qarori loyihasi keng muhokama qilinmoqda.
Qaror loyihasida taksilarning tashqi koʻrinishi qanday boʻlishi kerakligi, ularni tanishtiruvchi belgilar hamda qanday qoʻshimcha axborotlar bilan taʼminlanishi lozimligi koʻrsatilgan.
Hozirda taksi kompaniyalarida haydovchilarni internet orqali ishga olish amaliyoti bor. Kompaniyalarning axborot texnologiyalari yutuqlaridan foydalanishi, onlayn xizmatlar koʻrsatishi yaxshi albatta. Muhokamadagi qaror loyihasida esa haydovchilarga aniq talablar qoʻyilgan. Xususan, taksi haydovchisi boʻlishni istaganlar 21 yoshga toʻlgan, yengil turdagi avtotransport vositalarini boshqarish uchun “V” toifa ruxsatnomasiga ega, tibbiy koʻrikdan oʻtgan va shu sohada kamida uch yillik ish stajiga ega boʻlishi kerak.
Loyihada yoʻlovchilarga tashish xizmatini koʻrsatishga qaratilgan soliqni ham qayta koʻrib chiqish, xususan, buyurtmaning 4 foizini soliq sifatida toʻlash taklif etilgan.
Taksi transportining kelajagiga befarq boʻlmagan fuqarolar ushbu loyiha bilan tanishib chiqish va muhokama jarayonida faol ishtirok etishga taklif qilingan. Muhokama 16-avgustga qadar davom etadi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi