Foto: «Xalq so‘zi»
Farg‘ona shahrida istiqomat qiluvchi Ikkinchi jahon urushi qatnashchisi Qurbon ota Sattorov bu yil 95 yoshni qarshiladi. Bu haqda «Xalq so‘zi» xabar bermoqda.
Asli Surxondaryo viloyatining Sariosiyo tumanida tug‘ilib voyaga yetgan navqiron yigit Ikkinchi jahon urushi yillarida minglab o‘zbekistonliklar qatori qo‘liga qurol olib, fashizmga qarshi kurashdi, janglarda oldingi saflarda bo‘ldi. G‘alabaga qo‘shgan katta hissasi uchun qator jangovar orden va medallar bilan taqdirlandi.
Eson-omon oilasi bag‘riga qaytgan Qurbon ota tinchlik davrida Farg‘ona shahrida yashab, uzoq yillar davlat organlarida sidqidildan xizmat qildi. El-yurt o‘rtasida katta hurmat-e’tibor topdi.
Yaqinda Qurbon ota hayotida yana bir quvonchli voqea ro‘y berdi. Unga Belarus prezidenti Aleksandr Lukashenko imzosi bilan tashakkurnoma hamda «Belarus fashist bosqinchilaridan ozod etilganiga 75 yil» yubiley medali keldi.
Foto: «Xalq so‘zi»
Mazkur minnatdorchilik nomasi va yubiley medalini xaloskor jangchiga topshirish marosimi katta tantanaga aylandi. Shu kuni uning xonadoniga Farg‘ona shahar hokimligi, shahar mudofaa ishlari bo‘limi mas’ul xodimlari, mahalla faollari, «Temurbeklar maktabi» kursantlari, akademik litsey va o‘rta ta’lim maktabi o‘quvchilari keldi.
Farg‘ona shahar hokimi o‘rinbosari F. Abdillazov Belarus prezidenti tashakkurnomasini o‘qib berdi va yubiley medalini el-yurt ardog‘idagi inson ko‘ksiga qadab qo‘ydi.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Rossiya dunyodagi birinchi vodorod yoqilg‘ili avtomobilni taqdim etdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi