Andijon-Qoʻqon yoʻnalishida harakatlanayotgan poyezd izidan chiqib ketdi (foto, video)

  • 12 dekabr 2019, 14:24
  • 1 785
  • Jamiyat
  • Andijon-Qoʻqon yoʻnalishida harakatlanayotgan poyezd izidan chiqib ketdi (foto, video)
    Foto: “Vodiy bozor” kanali
    2019-yil 12-dekabr kuni soat 07:30larda Andijonga Qozogʻiston Respublikasidan 13ta yarim ochiq vagonlarda “OOOTA Minirals” MCHJ nomiga koʻmir mahsulotlari keltirilgan.

    IIV axborot xizmati xabariga koʻra, Paytugʻ temir yoʻl bekatining 7-yoʻliga qoʻyilgan va koʻmir mahsulotlari tushirib boʻlingandan keyin vagonlar gʻildiraklarining tagiga temir yoʻl bashmaklari mahkamlanmaganligi sababli, ushbu yarim ochiq boʻsh vagonlar past tomonga harakatlanib ketgan.

    Natijada, 63080675-sonli yarim ochiq boʻsh vagon temir yoʻlning chap tomonidagi ariqqa tushib ketgan va 60745015-sonli yarim ochiq boʻsh vagonning oldi gʻildiraklari temir yoʻl izidan chiqib ketgan.

    Hodisa natijasida tan jarohati olganlar yoʻq. Hozirda qoʻshimcha surishtiruv ishlari olib borilmoqda, deyiladi maʼlumotda.

    » » Andijon-Qoʻqon yoʻnalishida harakatlanayotgan poyezd izidan chiqib ketdi (foto, video)