Bekobod shahrida 11 sinf o‘quvchisining vafoti yuzasidan tergov ishlari olib borilmoqda. Bosh prokuratura matbuot kotibi Hayot Shamsutdinovning bildirishicha, voqea bir necha voyaga yetmagan o‘smirlar o‘rtasida kelib chiqqan og‘zaki janjal natijasida sodir bo‘lgan.
Hodisa chog‘ida jabrlanuvchiga oshxona pichogi bilan o‘ng va chap ko‘krak qismiga jarohat yetkazilgan. Vafot etgan o‘quvchi zudlik bilan tibbiyot muassasasiga olib borilgan bo‘lsa-da, ko‘rsatilgan yordam natija bermagan.
11 mart kuni Bosh prokuratura Jinoyat kodeksining 97 moddasi (qasddan odam o‘ldirish) bilan jinoyat ishi qo‘zg‘atilganini va dastlab gumon qilinayotgan voyaga yetmagan shaxs protsessual tartibda ushlanganini ma’lum qilgan.
12 mart kuni esa ish doirasida jami 5 nafar voyaga yetmagan shaxsga nisbatan qamoqqa olish ehtiyot chorasi qo‘llangan. Hozirda tergov harakatlari davom etmoqda.
Vafot etgan o‘quvchining yaqinlari Kun.uz bilan suhbatda, bolalar nizolashgandan keyin boshqa maktab o‘quvchilari 5 kishi bo‘lib kelganini bildirgan. Ularning 3 nafari shahardagi 3-maktab o‘quvchilari, 2 nafari esa texnikum talabalari ekanligi ma’lum bo‘lgan.
“Zamin”ni Telegramʻda oʻqing!
