Andijonda daxshatli jinoyat: ayolni xilvat joyda qiynashdi va sochini kalga olishdi

Andijonda 28 yoshli ayolga nisbatan shok holat yuz berdi. Andijon viloyat IIB xabariga ko‘ra, 1991 yilda tug‘ilgan ayol, 1998 yilda tug‘ilgan boshqa bir ayolni eri bilan aloqada bo‘lgani sababli gumon qilgan.

Shundan so‘ng u bir nechta tanish ayollarini chaqirib, jabrlanuvchini turli qiynoqlarga solgan va tahqirlagan.

Hatto bu yetmagandek, ikkita tanish erkakni jalb qilib, ularni ayolning sochlarini tagidan kesishga majbur qilgan. Erkaklar aytgan buyruqni bajarib, jabrlanuvchini xilvat joyga olib borib, sochini kalga olishgan. Ushbu voqea videoga olinib, tarqatilgan.

Hozirda gumondorlar ustidan jinoyat ishi qo‘zg‘atilgan va tergov ishlari davom etmoqda.