Angren shahrida voyaga yetmagan qizga nisbatan jinoyat sodir etgan bir guruh shaxslar bo‘yicha sud hukmi e’lon qilindi. Bu haqda O‘zbekiston Oliy sudi matbuot xizmati ma’lum qildi.
Ushbu ish o‘tgan yil yozida keng jamoatchilik e’tiborini tortgan edi. Bugun Angren shahar jinoyat ishlari bo‘yicha sudi S. Q. (2006 yilda Tug‘ilgan, Toshkent viloyati), Z. U. (2004 yilda Tug‘ilgan, Toshkent viloyati), D. O‘. (2004 yilda Tug‘ilgan, Toshkent viloyati) va A. U. (2003 yilda Tug‘ilgan, Toshkent viloyati)ga oid ishni ko‘rib chiqdi va hukm chiqardi.
Jinoiy ish O‘zbekiston Jinoyat-protsessual kodeksining 19 moddasiga muvofiq, yopiq sud majlisida ko‘rib chiqilgan.
Sud qaroriga ko‘ra, S. Q., Z. U., D. O‘. va A. U. voyaga yetmagan S. Ya. (2010 yilda tug‘ilgan qiz)ga nisbatan O‘zbekiston Jinoyat kodeksining 118 moddasi 3 qismi “a” bandi, 119 moddasi 3 qismi “a” bandi va boshqa tegishli moddalari bo‘yicha jinoyat sodir etganlikda aybli deb topildi.
Sud tomonidan belgilangan jazolar quyidagicha:
S. Q. – 118 moddasi 3 qismi “a” bandi bo‘yicha 10 yil ozodlikdan mahrum qilish,
Z. U. – 118 va 119 moddalar bo‘yicha 12 yil,
D. O‘. – 10 yil 6 oy,
A. U. (II-guruh nogironi) – 7 yil 6 oy ozodlikdan mahrum qilish.
Sud hukmi ustidan tomonlar qonunda belgilangan tartib va muddatlarda Toshkent viloyat sudi apellyatsiya yoki kassatsiya instantsiyasiga shikoyat berish huquqiga ega.
“Zamin”ni Telegramʻda oʻqing!
