Foto: Davlat bojxona qo‘mitasi axborot xizmati
Xalqaro pochta ittifoqining 2013 yilda Bern shahrida imzolangan “Pochta jo‘natmalari almashinuvi reglamenti” nomli yakuniy protokolining 156-moddasi 11-bandida jo‘natilayotgan barcha pochta jo‘natmalari CN-22 va CN-23 deklaratsiyalarida to‘liq holda ko‘rsatilishi, pochta jo‘natmalarini umumiy nomda ko‘rsatilishiga yo‘l qo‘yilmasligi belgilangan.
Ammo shunga qaramay, pochta jo‘natmalari orqali “tijorat maqsadlar uchun mo‘ljallanmagan” niqobi ostida bir xil turdagi tovarlarni jo‘natish holatlari uchramoqda.
Yaqinda Toshkent shahar bojxona boshqarmasi “Bosh pochtamt” tashqi iqtisodiy faoliyat bojxona posti xodimlari pochta jo‘natmalari orqali tovarlarning noqonuniy olib o‘tilishiga doir urinishlarni fosh qilishdi.
Jumladan, xorijdan kurerlik tashkiloti nomiga yuborilgan og‘irligi 4,5 tonna bo‘lgan 79 o‘rindan iborat pochta jo‘natmalari bojxona nazoratidan o‘tkazildi. Natijada, 47 o‘rindan iborat pochta jo‘natmalarida bojxona deklaratsiyasida ko‘rsatilmagan 3272 dona kiyim-kechak va poyabzallar borligi aniqlandi.
Shu tariqa qonunbuzarlar pochta jo‘natmalari orqali qiymati 311,8 million so‘mlik tovar-moddiy boyliklarni olib kirishga urinishgan.
Hozirda yuqoridagi holat yuzasidan bojxona organlari tomonidan surishtiruv ishlari olib borilmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Germaniyada maktab o‘quvchilari ommaviy ravishda islom dinini qabul qilmoqda