«Chilonzor» yo‘nalishining «Olmazor» bekatidan boshlanadigan «Sergeli» yo‘nalishida qad rostlovchi Toshkent metrosining oltita bekati qurilishida qimmatbaho qurilish materiallaridan foydalaniladi. Bu haqda «O‘zA»ga asoslanib «Daryo» xabar berdi.
«Boshtransloyiha» aksiyadorlik jamiyati ma’lum qilishicha, muhandislik-geologik sabablarga ko‘ra, Sergeli tumanida er osti metro yo‘lini qurish o‘ta murakkab jarayondir. Shu bois mazkur yo‘nalishdagi harakat «yengil metro» ko‘rinishida bo‘ladi. Ya’ni, «po‘lat iz»lar er ostida emas, balki er usti bo‘ylab, estakadalar (ko‘priklar) orqali yotqiziladi.
2017—2020 yillarga mo‘ljallangan mazkur yo‘nalishning qurilishi 170,1 million dollarga baholangan. Uzunligi 7,1 kilometrni tashkil etuvchi inshoot to‘liq ishga tushirilgach, yiliga 14 milliondan ortiq yo‘lovchiga xizmat ko‘rsatishi mo‘ljallanmoqda. O‘ziga xos muhandislik echimlari asosida bunyod etilayotgan transport yo‘li Toshkent shahrining «Choshtepa» mahallasidan o‘tib, Sergeli tumanining Yo‘ldosh mavzesidagi Mag‘rib ko‘chasigacha boradi. To‘rt yilga mo‘ljallangan loyiha doirasida bekatlarda eskalatorlar, kutish maydonchalari barpo etiladi.
«Yo‘nalishning Choshtepa qismi balandligi 15 metr, Sergeli hududida esa 8 metr bo‘ladi. Bekatlar konstruksiya, dizayn hamda bezagi bilan bir-biridan tubdan farqlanadi va takrorlanmaydi, — dedi loyiha muhandisi Sunnat Jumaboyev. — Eng qimmatbaho qurilish materiallaridan, ya’ni granit, marmar, oyna, keramikadan foydalanish uning hashamatli va ko‘rkam bo‘lishiga hissa qo‘shadi. Loyiha bo‘yicha metroning o‘ng tomonidan aholi yashashi uchun ko‘rkam va zamonaviy turar-joylar, uning ikki yonida keng va ravon avtomobil yo‘li quriladi. Shuningdek, ko‘plab ijtimoiy tarmoqlar va xizmat ko‘rsatish shoxobchalari barpo etiladi». “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Vladimir Putin «Krokus»da sodir etilgan terakt uchun o‘ch olishga chaqirdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Toshkentda 02 kodli avtoraqamlar taxminan qachon paydo bo‘lishi aytildi
Rossiya dunyodagi birinchi vodorod yoqilg‘ili avtomobilni taqdim etdi