O‘zbekistonda joriy yil yakunlari bo‘yicha inflyatsiya darajasi taxminan 14 foiz, 2018 yilda — 12—13 foiz bo‘lishi prognoz qilinmoqda. Bu haqda Oliy Majlis Senatining 20 dekabr, chorshanba kuni bo‘lib o‘tgan 13-yalpi majlisida Bosh vazir o‘rinbosari, moliya vaziri Jamshid Qo‘chqorov ma’lum qildi. Bu haqda «Gazeta.uz»ga tayanib «Daryo» xabar berdi.
Uning ta’kidlashicha, Prezident Shavkat Mirziyoyev mansabdor shaxslarga real statistik ko‘rsatkichlarni ma’lum qilishni va kutilayotgan inflyatsiya darajasi haqida ochiq gapirishni topshirgan.
«Ochiq gapiradigan bo‘lsak, ushbu minbarlarda turib ba’zi raqamlarni ma’lum qilganimizda, ko‘pchilik odamlar ichida kulib qo‘ygan holatlar ham bo‘lgan. Shu tufayli inflyatsiya masalasi bo‘yicha hurmatli senatorlar, hokimlarga yuzlanmoqchimiz: yil yakunlari bo‘yicha inflyatsiya darajasi rostdan ham yuqori bo‘lishi kutilmoqda, kelasi yil ham baland daraja prognoz qilinmoqda», — dedi u.
U o‘tgan yillarda bir qator ko‘rsatkichlar bo‘yicha jiddiy farqlar kuzatilganini aytdi. «Masalan, Xalqaro valyuta jamg‘armasi bizning inflyatsiyani hisoblash uslubimizni jiddiy tanqid qildi. Sentyabrda Prezidentning statistika tizimini takomillashtirish va XVJning ma’lumotlatni tarqatish umumiy tizimiga qo‘shilish haqidagi qarori chiqqach, statistika sohasida katta o‘zgarishlar kuzatildi. Natijada endi hech bir moliyaviy institut O‘zbekiston noto‘g‘ri hisob-kitoblarni amalga oshirayotganini xayoliga ham keltirmayapti», — dedi Bosh vazir o‘rinbosari.
Jamshid Qo‘chqorov statistik axborotning ochiqligi va xalqaro standartlarga o‘tish xalqaro tashkilotlar talablarini bajarish uchun emas, balki birinchi navbatda O‘zbekiston xalqiga haqiqiy axborotni «boricha» berish maqsadida ta’minlanayotganini ta’kidladi. Bundan tashqari, bu mutaxassislarga iqtisodiyotdagi real vaziyatni ko‘rish imkonini beradi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Amerikalik olimlar barcha uchun birdek foydali jismoniy faollik turini aniqladi
Rossiya dunyodagi birinchi vodorod yoqilg‘ili avtomobilni taqdim etdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
