Bolt. Oxirgi yugurish. Alamli mag‘lubiyat

  • 06 avgust 2017, 15:19
  • 3 864
  • Sport
  • Bolt. Oxirgi yugurish. Alamli mag‘lubiyat
    Useyn Bolt sportdan ketmoqda. Sport dunyosi uning oxirgi yugurishlarini kuzatmoqda. Ular taqdirning yana bir o‘yinini kuzatishdi. Afsonaviy Bolt yuz metr masofaga oxirgi yugurishida birinchi bo‘la olmadi, deb yozmoqda Kun.uz nashri.

    Buyuk Britaniya poytaxtida o‘tayotgan jahon chempionatidagi bahslar davomida yuz metrga yugurishda amerikalik Jastin Getlin Boltni ortda qoldirdi. Bolt ikkinchi ham bo‘la olmadi, marraga ikkinchi bo‘lib boshqa bir amerikalik Kristian Koulman etib keldi.

    Chaqmoq-insonni mag‘lub etishdi! 14 yil ichida ilk marta! U eng ustun bo‘lgan yuz metrlik masofada!

    Ha, u hamisha chaqmoq-inson bo‘lmagan: 2003 yilda ham u Jastin Getlinga yutqazgandi. Keyingi yillar – o‘n yildan ortiq vaqt davomida faqat Bolt chempion bo‘lgandi.

    5 avgust kungi chopishda Getlin 9,92 soniya bilan birinchi bo‘ldi, Useyn Bolt 9,95 soniyalik ko‘rsatkich bilan uchinchi o‘rinda qoldi. Ikki sportchi uchun ham bu mavsumdagi eng yaxshi ko‘rsatkichlar bo‘ldi.







    Getlin va Boltning raqobati keyingi yillarda jahon yengil atletikasida asosiy bahs mavzusiga aylandi. Bu orada amerikalik sportchi doping qabul qilgani uchun diskvalifikasiya muddati o‘tadi.

    30 yoshli Bolt jahon chempionatidan keyin yengil atletikadagi faoliyatini yakunlashini ma’lum qilgan. Sakkiz karra olimpiya chempioni va 11 karra jahon chempioni Londonda yana bir marta chopadi - 4x100 metr masofada estafetada.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Bolt. Oxirgi yugurish. Alamli mag‘lubiyat