Mirjalol Qosimov shogirdlari mashhur Feliks Magat jamoasini tor-mor keltirdi

  • 14-02-2018, 20:40
  • 1 259
  • Sport
  • Mirjalol Qosimov shogirdlari mashhur Feliks Magat jamoasini tor-mor keltirdi
    Toshkentning «Bunyodkor» jamoasi BAA yig‘ini doirasidagi ikkinchi nazorat uchrashuvini o‘tkazdi. Raqib jamoa Xitoyning eng mashhur klublaridan biri - «Shandun Lunen» klubi bo‘ldi.

    Toshkent klubi rasmiy sayti xabariga ko‘ra, Feliks Magat boshqaruvidagi jamoaga qarshi bahsda «qaldirg‘ochlar» katta ustunlikka ega bo‘lishdi va buni yakunda qayd etilgan hisobda ham isbotlay olishdi - 4:0.

    Filip Rayevats (2ta), Shahzodbek Nurmatov va Artyom Gabelok tomonidan kiritilgan gollar «Bunyodkor»ga yirik hisobdagi g‘alabani taqdim etdi.

    Eslatib o‘tamiz, bungacha, 11 fevral kuni Mirjalol Qosimov boshchiligidagi «qaldirg‘ochlar» Xitoyning «Chunsin Lifan» klubi bilan kuch sinashib, 0:0 hisobidagi durang natija qayd etishgan edi.

    «BUNYoDKOR» - «ShANDUN LUNEN» 4:0 (2:0)
    Gollar:
    Filip Rayevats 3 (1:0), Filip Rayevats 39 (2:0), Shahzodbek Nurmatov 82 (3:0), Artyom Gabelok 83 (4:0)

    » » Mirjalol Qosimov shogirdlari mashhur Feliks Magat jamoasini tor-mor keltirdi