Futbol bo‘yicha Ispaniya chempionatining 34-turidan o‘rin olgan o‘yinlar 4 may, shanba kuni bo‘lib o‘tdi.
“Real” o‘zida “Kadis”ni qabul qildi va 3:0 hisobida zafar quchdi. Birinchi bo‘limda darvozalar ishg‘ol etilmadi. Ikkinchi bo‘limda esa Braim Dias, Jud Bellingem va Xoselular o‘z nomini tabloga yozdirib qo‘ydi.
“Barselona” esa Kataloniya derbisida “Jirona”ga qarshi bahs olib bordi. Uchrashuvning 3-daqiqasida Kristensen hisobni ochdi. Oradan 1 daqiqa o‘tar-o‘tmas Dovbik hisobni tenglashtirishga muvaffaq bo‘ldi. Birinchi bo‘lim oxirida esa Robert Levandovski penaltidan unumli foydalanib, “ko‘k-anorranglilar”ning ustunligini ta’minladi.
Ikkinchi bo‘limda “Jirona” “qo‘shdi” va ketma-ket ikkita gol urdi. Dastlab 65-daqiqada Portu muvozanatni tikladi. Oradan 2 daqiqa o‘tib, Guterres jamoasini hisobda oldinga olib chiqdi. 75-daqiqada esa “Jirona” yana bir bor darvozani ishg‘ol qildi. Bu safar ham Portu o‘z hisobiga gol yozdirdi. Qolgan daqiqalarda darvozalar ishg‘ol etilmadi va “Jirona” 4:2 hisobida g‘alaba qozonib, musobaqa jadvalida 2-o‘ringa ko‘tarilib oldi.
Shu tariqa “Real” muddatidan oldin Ispaniya chempionligini qo‘lga kiritdi. Turnir jadvali quyidagicha ko‘rinish olgan:
Skrin: Sofascore
“Real” — “Kadis” 3:0
Gollar: 1:0 – 51 Braim Dias, 2:0 – 68 Bellingem, 3:0 – 90+3 Xoselu.
“Real Madrid”: Kurtua, Karvaxal, Nacho, Militao, Fran Garsiya, Modrich, Sebalos, Kamavinga (Valverde, 80), Braim Dias (Vinisius Junior, 73), Gyuler (Bellingem, 66), Xoselu.
“Kadis”: Ledesma, Saldua (Karselen, 66), Fali Ximenes, Viktor Chust, Xavi, Navarro (Alexo, 84), Aleks Fernandes (Pires, 66), Alkaras, Eskalante, Ramos (Xuanmi, 75), Sobrino (Maksi Gomes, 75).
Ogohlantirish: Saldua (38).
“Jirona” — “Barselona” 4:2
Gollar: 0:1 – 3 Kristensen, 1:1 – 4 Dovbik, 1:2 – 45+1 Levandovski (penalti), 2:2 – 65 Portu, 3:2 – 67 Migel Guterres, 4:2 – 74 Portu.
“Jirona”: Gassaniga, Erik Garsiya, Blind, David Lopes (Portu, 65), Migel Guterres, Aleish Garsiya, Errera, Martin, Sigankov (Yan Kouto, 65), Savio, Dovbik.
“Barselona”: ter Stegen, Kunde, Arauxo, Kubarsi, Joau Kanselu, Serji Roberto, Kristensen (Pedri, 69), Romeu, Ferran Torres, Gundo‘g‘an, Lopes (Rafinya, 69), Yamal, Levandovski.
Ogohlantirishlar: Kunde (28), Arauxo (39), Serji Roberto (43). “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Pnevmatik qurollarni o‘z ixtiyori bilan topshirganlar javobgarlikdan ozod etiladi
D vitamini dozasini oshirib yuborishning xavfli oqibatlari
Jizzaxda uchta yuk mashinasi ishtirokida YTH sodir bo‘ldi
Shimoliy Koreya yangi ko‘rsatkichlarga ega ballistik raketani sinovdan o‘tkazdi
“Roma” Shomurodov uchun yana 8 million yevro xarajat qiladi!
“Umra” ziyoratiga borib kelish tartibi takomillashtiriladi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?