2025 yilgi Green Card natijalari e'lon qilindi

^{Foto: Getty Images}
4 may kuni Toshkent vaqti bilan soat 21:00 dan Diversity Visa - 2025 (Green Card) natijalari e'lon qilina boshlandi.

Natijani DV-2025 sayti orqali tekshirish mumkin. Unda anketa toʻldirish vaqtida olingan tasdiqlovchi raqamni kiritish kerak.

Ma'lumot uchun, Green Card lotereyasi AQShda 1990 yilgi immigratsiya toʻgʻrisidagi qonunga asosan ishlab chiqilgan loyiha hisoblanadi. Bu lotereya gʻoliblari AQShda yashash va ishlash huquqini beruvchi vizaga ega boʻladi. Lotereyani oʻtkazish, gʻoliblarni aniqlash va ularga viza berish bilan Davlat departamenti shugʻullanadi.

Har yili 55 mingta vizaga ega chiqish uchun butun dunyo boʻylab 20 milliondan koʻproq odam ariza topshiradi. Odatda gʻolib sifatida qayd etilgan ariza beruvchilarning 50 foizdan koʻprogʻi viza boʻyicha intervyudan oʻtgan taqdirdagina viza oladi. “Zamin” yangiliklarini “Telegram”da kuzatib boring