Kecha, 1 oktyabr kuni Ispaniyaning SuperDeporte nashri “Ektor Kuper Ispaniya chempionatiga qaytishi mumkin” sarlavhasi ostida xabar chop etgan edi. Xabarda La Liga ishtirokchisi – “Ueska” klubi rahbariyati bosh murabbiy Leo Franko bilan xayrlashib, uning oʻrniga Ektor Kuperni taklif qilishni rejalashtirayotgani aytilgan. Bundan bir kun avval esa nufuzli Marca nashri ham shu haqida mish-mishlar borligini qayd etib oʻtgandi.
Avgust oyidan buyon Oʻzbekiston milliy terma jamoasiga ustozlik qilayotgan argentinalik mutaxassisning La Ligaga qaytishi haqidagi bu kabi mish-mishlarga oydinlik kiritish maqsadida Kun.uz OʻFA birinchi vitse-prezidenti Umid Ahmadjonov bilan bogʻlandi. Ahmadjonovning bildirishicha, bunday xabarlar asosga ega emas va Ektor Kuper kelishilgan shartlar asosida oʻz lavozimida ishlashda davom etadi.
“Ektor Kuper terma jamoaga bosh murabbiy etib tayinlanishidan oldin u bilan uzoq vaqt davomida jiddiy tarzda muzokaralar olib borilgan boʻlib, yakunda professional shartnoma imzolangan. Bu kabi tajribali mutaxassisdan jamoasini yarim yoʻlda tashlab ketishini kutish mantiqsizlik boʻlardi”, - deya taʼkidladi Umid Ahmadjonov.
“Kuper Oʻzbekiston terma jamoasidagi faoliyatini optimistik ruhda davom ettirmoqda. Biz ushbu murabbiy qoʻl ostida terma jamoamiz Osiyo kubogida muvaffaqiyatli qatnashish bilan birga ilk marta Jahon chempionatiga yoʻllanma olishiga ishonch bildirganmiz”, - deya qoʻshimcha qildi OʻFA birinchi vitse-prezidenti Kun.uz bilan suhbatda.
Eslatib oʻtamiz, 62 yoshli Ektor Kuper va OʻFA oʻrtasida “3+1” sharti bilan bitim imzolagan. Murabbiyni tanishtirish marosimida OʻFA Xalqaro aloqalar boʻlimi rahbari Diyor Isametdinov Oʻzbekiston mundialga saralash siklini ilk marta toʻliq yagona murabbiy qoʻl ostida oʻtkazishini maʼlum qilgan edi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi