Shahobiddin Zoirov finalga chiqdi

  • 20 sentyabr 2019, 16:25
  • 528
  • Sport
  • Shahobiddin Zoirov finalga chiqdi
    Rossiyaning Yekaterinburg shahrida boks bo‘yicha jahon chempionatining yarim final bellashuvlariga start berildi.
    -52 kilogramm vazn toifasida O‘zbekiston sharafini himoya qilayotgan Shahobiddin Zoirov terma jamoa vakillaridan birinchi bo‘lib final yo‘llanmasiga ega bo‘ldi.

    Fransiyalik Belal Bennama bilan bahs olib borgan Zoirov o‘zining aniq va kuchli zarbalari bilan raqibidan ustun ekanligini isbotlab berdi. Uch raund natijalariga ko‘ra, hakamlar bir ovozdan O‘zbekiston vakilini g‘olib deb topishdi (5:0).

    U endi oltin medal uchun kechadigan bahsda Saken Bibissonov (Qozog‘iston) va Amit (Hindiston) o‘rtasidagi jang g‘olibiga qarshi ringga ko‘tariladi.
    Kun davomida O‘zbekiston boks terma jamoasining yana 4 nafar vakili yarim final janglarini o‘tkazishadi:

    -57 kg: Miraziz Mirzaxalilov – Erdenebat Tsendbaatar (Mo‘g‘uliston) (19:15)
    -69 kg: Bobousmon Baturov – Pet Makkormak (Angliya) (19:45)
    -81 kg: Dilshodbek Ro‘zmetov – Benjamin Uittaker (Angliya) (20:15)
    +91 kg: Bahodir Jalolov – Maksim Babanin (Rossiya) (20:45).

    Final janglari 21 sentyabr kuni bo‘lib o‘tadi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Shahobiddin Zoirov finalga chiqdi