Кенан Йилдиз «Ювентус»нинг «Наполи» дарвозасига киритган уч голдан бирига муаллифлик қилди. Учрашув Лучано Спаллетти жамоасининг йирик ҳисобдаги ғалабаси билан якунланди — 3:0. Бу ҳақда euro-football.ru хабар беради.
Opta маълумотига кўра, 20 ёшли туркиялик футболчи уч очко тизими жорий этилган даврда «Ювентус» сафида А Сериясининг битта мавсумида «Наполи»га қарши икки ўйинда ҳам гол урган бор-йўғи бешинчи футболчига айланди. Аввалроқ буни Криштиану Роналду (2019/20), Алессандро дел Пьеро (2000/01), Дарко Ковачевич (2000/01) ва Фабрицио Раванелли (1994/95) амалга оширган.
Жорий мавсумда Йилдиз Италия чемпионатида жами саккиз бор рақиб дарвозасини ишғол қилди, шунингдек, жамоадошларига тўрт марта голли узатма берди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
