Туриннинг «Ювентус» клуби ҳамда Франция терма жамоасида тўп сурган Давид Трезеге Аргентинага яна қайтди. У аввалроқ «Ривер Плейт» сафида ўйнаган, ҳатто клуб билан бирга Аргентина футболининг иккинчи лигасида чемпионликни ҳам қўлга киритганди. Бу ҳақда euro-football.ru хабар беради.
Бу сафар Трезеге «Ривер Плейт»га футболчи сифатида эмас, балки раҳбарият таркибига қўшилиш учун келмоқда. Клуб уни расмий тарзда таништириш маросимини ўтказди, унда бошқарув жамоаси ҳам тўлиқ иштирок этди.
Трезегенинг клубдаги аниқ лавозими ҳозирча очиқланмади. Шунга қарамай, тақдимотда у стратегик масалалар билан шуғулланиши ва «Ривер Плейт»ни институционал даражада вакиллик қилиши айтилди.
Эслатиб ўтамиз, француз ҳужумчи 2015 йилда футболчилик фаолиятини якунлаган.
“Zamin”ни Telegram'да ўқинг!
