Туриннинг «Ювентус» клуби ва Франция терма жамоаси собиқ ҳужумчиси Давид Трезеге яна Аргентинага қайтди. У аввалроқ Буэнос-Айресдаги «Ривер Плейт» сафида тўп суриб, ҳатто мамлакат футболининг иккинчи лигасида чемпионликни ҳам қўлга киритган эди. Бу ҳақда euro-football.ru хабар беради.
Эндиликда Трезеге клубга бошқа мақомда — «Ривер Плейт»нинг раҳбарият таркибига қўшилиш учун қайтмоқда. Унинг клубдаги аниқ лавозими ҳозирча очиқланмади, бироқ жамоа уни тўлиқ бошқарув иштирокида расман таништирди.
Тақдимот чоғида француз мутахассис клубнинг стратегик масалалари билан шуғулланиши, шунингдек, «Ривер Плейт»ни институционал даражада вакиллаши маълум қилинди.
Эслатиб ўтамиз, Давид Трезеге футболчилик фаолиятини 2015 йилда якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
