Леонид Слуцкий бошқарувидаги «Шанхай Шенхуа» Осиё Чемпионлар лигасида навбатдаги ўйинда ҳам очкосиз қолди. Хитой клуби умумий босқичнинг 6-турида сафарда «Санфречче Хиросима»га 0:1 ҳисобида ютқазди. Бу ҳақда euro-football.ru хабар беради.
Учрашувдаги ягона гол 78-дақиқада урилди — мезбонлар сафида ҳимоячи Хаято Араки аниқ зарба билан ҳисобни очди. Бу мағлубият «Шанхай Шенхуа» учун турнирдаги кетма-кет учинчи омадсиз натижа бўлди.
6 турдан сўнг «Шанхай Шенхуа» 4 очко билан жадвалда 11-ўринда бормоқда. «Санфречче Хиросима» эса 11 очко жамғариб, учинчи поғонани эгаллаб турибди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
