Россиянинг Лоокй мессенжерида видеоқўнғироқлар функцияси ишга тушди
Россиянинг "Лоокй" мессенжерида видеоқўнғироқлар функцияси ишга туширилди. Бу янги восита фойдаланувчиларга бошқа иловаларга ўтмасдан мулоқот қилиш имконини беради. Қўнғироқлар учун VPN уланиши талаб этилмайди ва хизмат дунёнинг исталган нуқтасидан ишлайди. Келажакда мессенжер имкониятлари кенгайтирилиши ва янги функциялар қўшилиши режалаштирилган.
Россиянинг "Instagram" муқобили ҳисобланган "Лоокй" иловасида аудио ва видеоқўнғироқлар функцияси ишга туширилди. Янги восита сервис мессенжерига интеграция қилинган бўлиб, фойдаланувчиларга бошқа иловаларга ўтмасдан мулоқот қилиш имконини беради. Бу ҳақда Ixbt.com хабар беради.
Дастурчиларнинг таъкидлашича, қўнғироқлар учун VPN уланиши талаб этилмайди. Хизмат дунёнинг исталган нуқтасидан ҳеч қандай қўшимча чекловларсиз ишлаши маълум қилинган.
"Лоокй" техник директори Александр Ларионов келажакда мессенжер имкониятлари янада кенгайтирилишини билдирди. Режага кўра, яқин вақт ичида иловага овозли ва видео хабарлар, гуруҳли видеоқўнғироқлар ҳамда муаллифлар профилларига боғланган каналлар қўшилади.
Изоҳлар 0
…