Xiaomi компанияси асосчиси Лей Цзин 2026 йилнинг май ойи охирида сотувга чиқадиган Xiaomi YU7 GT пойга автомобилининг илк суратини эълон қилди. Ушбу модель компаниянинг Германиянинг Мюнхен шаҳрида ташкил этилган Европа илмий-тадқиқот маркази томонидан ишлаб чиқилган биринчи лойиҳадир. Бу ҳақда Ixbt.com хабар беради.
Янги электромобилни яратишда дунё даражасидаги экспертлар ва таниқли дизайнерлар иштирок этган. Лойиҳага илгари BMW M4 GT3 пойга автомобили устида ишлаган Рудолф Диттрих раҳбарлик қилмоқда.
Шунингдек, BMW компаниясининг яна бир фахрийси Клаус-Дитер Гролл автомобилнинг динамик хусусиятларини ишлаб чиқишга масъул этиб тайинланган.
Лей Сзиннинг таъкидлашича, Xiaomi YU7 GT немис услубида созланган бўлиб, у энг яхши Европа автомобиллари каби ҳайдовчилар ишончини қозониши кутилмоқда. Гролл аввалроқ БМWнинг 3, 4-сериялари ҳамда X5, X6 ва X7 каби машҳур моделлари устида ишлаган тажрибага эга.
Маълумот учун, Xiaomi автомобиль ишлаб чиқаришни бошлаганига беш йил бўлди. Ўтган икки йил давомида компания бозорга SU7 ва YU7 моделларидан жами 650 000 донадан ортиқ етказиб беришга улгурди.
“Zamin”ни Telegram'да ўқинг!
